Luka 3:36 - Tedim Bible

³⁶ Shelah in Kainan’ ta hi, Kainan in Arfasat’ ta hi, Arfasat in Shem’ ta hi, Shem in Noah’ ta hi, Noah in Lamek’ ta hi,

Tedim Bible Revision 2017

³⁶ Shelahʼ pa Kainan, Kainanʼ pa Arpakshad, Arpakshadʼ pa Shem, Shemʼ pa Noah, Noahʼ pa Lamek,

Luka 3:36 Referans Kwoze

2 PETER NIHNA 2:5

Tang lai leitung zong pammaihsa loin, dikna thu a hilh Noah leh mi sagihte keem a, Pasian bia lote leitungah tuicin a tumsak hi.

1 PETER MASA 3:20

Tua khate in nidang lai-inah Noah a khan’ lai-in tawmkhat ahi, mi giatte tui tawh a gup nading teembaw a bawl lai takun, Pasian in thuakin a ngak lai takin, thu a ngai lo khate ahi uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Luka 17:27

Noah in teembaw sungah a lut ni dongin mite in an ne tui dawnin, kipi kiteengsakin a om uh a, tuiciin a tun’ ciangin amaute khempeuh kisia uh hi.

Ezekiel 14:14

Noah, Daniel leh Job, hih mihing thumte nangawn, amaute’ lakah a om hi leh, amaute’ hoihna in amau’ nuntakna ciat bek mah suaktak zo ding uh hi. Topa Pasian in ci hi.

1 KHANG TANGTHU MASATE 1:17

Shem tapate in: Elam, Asshur, Arpakshad, Lud, Aram, Uz, Hul, Gether, leh Meshek ahi uh a, amau min pua-in minam piang ciat hi.

Piancilna 9:18

Teembaw sung panin a paikhia Noah’ tapate in Shem, Ham leh Jafeth ahi hi. Ham in Kanaan’ pa ahi hi.

Piancilna 9:1

Pasian in Noah leh a tapate thupha pia a, amaute' tungah, “Pung un la, tampi pha-in, leitung dim un.

Piancilna 8:1

Ahih hangin Pasian in Noah leh amah tawh teembaw sungah a om gamsate leh innsate khempeuh phawk hi. Pasian in leitungah huih nungsak a, tui kiam hi;

Piancilna 7:23

Mihing, ganhing, a bokvakte leh huih lak vasate, lei maitang tunga om nuntakna a nei peuhmah amah in phiatkhia hi; leitung panin amaute kiphiatkhia hi. Noah leh amah tawh teembaw sunga a om teng bek suakta hi.

Piancilna 7:13

Tua ni teekteekin Noah leh a tapate, Shem, Ham, Jafeth leh Noah’ zi leh a tapate’ zi thumte, amaute tawh teembaw sungah tum uh hi.

Piancilna 6:22

Noah in tua mah bangin hih hi; amah in Pasian’ thupiak khempeuh hih hi.

Piancilna 5:3

Adam kum za leh kum sawmthum a nuntak khit ciangin, ama' lim tawh a kibang, amah a sun tapa khat’ pa suak a, amah pen Seth ci-in a min phuak hi.

1 KHANG TANGTHU MASATE 1:1

Adam’ ta Seth, Seth’ ta Enosh;

Luka 3:35

Nahor in Serug ta hi, Serug in Reu’ ta hi, Reu in Peleg’ ta hi, Peleg in Ebar’ ta hi, Ebar in Shelah’ ta hi,

Luka 3:37

Lamek in Methuselah’ ta hi, Methuselah in Enok’ ta hi, Enok in Jared’ ta hi, Jared in Mahalate-el’ ta hi, Mahalale-el in Kainan’ ta hi,