Luka 3:22 - Tedim Bible

²² Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Tedim Bible Revision 2017

²² vakhu pumpi lim nei-in Kha Siangtho ama tungah hong kum suk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Luka 3:22 Referans Kwoze

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Johan 1:32

Tua lo adang Johan teci pan’na in, “Kha Siangtho vantung pan vakhu bangin hong kumsuka, tua pa tungah a tuang ka mu hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

1 PETER MASA 2:4

Mite in a nilkhiat hangin Pasian’ teel nuntakna suangpi ahi, tua Topa kiangah pai-in,

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Luka 4:21

Zeisu in, “Tuni-in hih Lai Siangtho thu in note zak dingin tangtung zo hi,” a ci hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Mattiu 3:13

Tua lai takin Zeisu kibaptaiz dingin Galile gam panin Jordan gun gei Johan kiangah va pai hi.

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Marka 1:9

Tua lai takin Zeisu in Galile gam Nazareth khua panin va pai a, Johan khut tungah Jordan gun sungah a kibaptaiz hi.

Marka 1:11

“Nang in ka lung hong damsak ka it ka Tapa na hi hi,” ci-in vantung panin aw khat a ging hi.

Marka 9:7

Tua lai takin meeingo khat in amaute tuam a, “Hih pa in ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Johan 5:37

Kei hong sawl ka Pa in kei ading teci hong pang zo hi. Note in tua Pa’ aw na za kei uh a, a meel na mu ngei kei uh hi.

Johan 12:28

Pa aw, na min na thangsak in,” a ci hi. Tua ciangin, vantung pan aw khat ging a, “Ka thangsak zo a, khatvei ka thangsak kik ding hi,” a ci hi.