Luka 24:47 - Tedim Bible

⁴⁷ ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Tedim Bible Revision 2017

⁴⁷ Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Luka 24:47 Referans Kwoze

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

1 JOHAN MASA 2:12

Ka ta neute aw, ama min hangin na mawhna uh a kimaisak ahih ciangin, note kiangah lai kong gelh hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

ROM (Romans) 5:20

Khialhna a khan’ nadingin Thukham in zong a hong tum hi. Ahih hangin khialhna a khan’ hangin hehpihna a khang zaw semsem hi.

Sawltak 28:28

Tua ahih ciangin Pasian in hong piak hih gupna thu Gentailte kiangah kipuak ding a,

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Isaiah 49:22

Topa Pasian in: “En un, Gentailte tungah ka khut ka laamto ding a, mite tungah ka lim ka lakto ding hi; amaute in a ang sung uhah na tapate tawi-in hong paipih ding uh a, a liangko tung uhah na tanute hong pua ding uh hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 5:4

Ka leenggui lo’ adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet lai takin bang hangin gam leenggah hong gah mawk ahi hiam?

Late 67:7

Pasian in eite thupha hong pia khin hi; leimong dong khempeuhte in amah zahtak uh hen.