Luka 24:39 - Tedim Bible

³⁹ Ka khut hong en un la, ka khe zong en un. Kei pumpi mahmah ahih lam hong en un la, na khut uh tawh hong lawng un.

Tedim Bible Revision 2017

³⁹ Ka khut le ka khete en un; kei mahmah ka hi hi. Hong lawng unla hong thei un. Tu-a keima neih bangin sikha in pum le tak nei ahi hiam?” a cih khit ciangin

Luka 24:39 Referans Kwoze

Johan 20:27

Tua lai takin Thomas kiangah, “Na khutmete zan in la, ka khut en in. Na khut zan in la, ka pang hong lawng in, um khial kei in la, um in,” a ci hi.

1 JOHAN MASA 1:1

A cil panin piang a, komau in za-in, ka mittang uh tawh mu-in, a tel takpi enin, ka khut uh tawh ka lawn’ khitsa uh nuntakna Thu tawh kipawl thute, note kiangah kong zasak uh hi.

Johan 20:20

Tua bang a cih khit ciangin a khut leh a pang a lak hi. Tua nungzuite in Topa a muh uh ciangin a lungdam uh hi.

Thuhilh-sia 12:7

I pumpi, lei suak kik ding a, i nuntakna a hong pia Pasian’ kiangah, i kha ciahkik ta ding hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Johan 20:25

Tua ahih ciangin nungzui dangte in, “Topa ka mu zo uh hi,” ci-in Thomas kiangah a gen uh ciangin amah in, “A khut a, sikkhetna pawn mu-in, sikkhetna pawn sung ka khutme tawh lawng a, ama pang zong ka khut tawh ka lawn’ kei leh, ka um kei ding hi,” a ci hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Luka 23:46

Zeisu in, “Ka Pa aw, ka kha nangma khut tungah ka pia hi,” ci-in nakpi-in a kiko khit ciangin a si hi.

Luka 24:38

Zeisu in, “Bang hangin lauin lungmang na hi uh hiam? Bang hangin na lungsim sung uh ah up khialhna na nei uh hiam?

Luka 24:40

Nong muh uh bangin guh leh sa ka nei hi; sikha in a nei kei hi,” ci-in a khut leh khe a lak hi.