Luka 23:44 - Tedim Bible

⁴⁴ Tua lai takin sun nai sawm-le-nih lai tak ahi hi. Nai thum dongin nitaang a bei maninah, leitung khempeuh ah khua a mial hi.

Tedim Bible Revision 2017

⁴⁴ Tua hun laitak pen sunkim nai sawm le nih pawl hi a, ni mial ahih manin nitak lam nai thum ciang dong leitung khempeuh ah khua mial a,

Luka 23:44 Referans Kwoze

Mattiu 27:45

Sun laitak nai sawm leh nai nih pan a kipan, nai thum dongin leitung khempeuhah khua mial hi.

Amos 8:9

Tua ni ciangin sun kim laipi mahin ni ka tumsak ding a, sunkim laipi mahin leitungah khua ka mialsak ding hi. Topa Pasian ahi keimah in hih thu kong gen khin hi.

Sawltak 2:20

Topa’ Ni vanglian leh lamdang hong tun’ ma-in Ni hong mial ding a, Kha in sisan a suak ding hi.

Mattiu 27:52

Hante kihong a, a sisa misiangthote’ luang tampi hong tho kik uh a,

Johan 19:14

Tua lai takin, Paisan pawi kigin ni sun lai tak nai sawm leh nai nih ahi hi. Pilat in, Judah mite kiangah , “En un, note’ Kumpipa,” ci-a a gen ciangin

Marka 15:39

Zeisu lang khatah a ding galkap mangpa in, tua bangin Zeisu a si a muh ciangin, “Hihpa in Pasian’ Tapa taktak ahi hi,” a ci hi.

Amos 5:18

Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Late 105:28

Amah in khuamial sawlin, leitung khimzing sak hi; ahih hangin Izipt mite in ama thu langpang uh hi.