Luka 23:41 - Tedim Bible

⁴¹ Eite in thuman thu tanna i thuak hi. Bang hang hiam na cih leh, eite’ hihna tawh kituak i thuak hi. Hih pa ahih leh, bangmah mawhna a bawl kei hi,” ci-in a lawmpa a taai hi.

Tedim Bible Revision 2017

⁴¹ Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Luka 23:41 Referans Kwoze

Ezra 9:13

Tu-in, kote’gamtatsiate leh a lian ka mawhnate uh hangin hih bang gimna lian ka thuak uh hi; ahi zongin nangmah in kote’ tuah dinga kilawm zah dan hong tuaksak loin, tu-a banga a nungta lai-in nong omsak zaw hi;

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Jeim 4:7

Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Nehemiah 9:3

Tua ciangin amau’ omna mun ciat uhah ding-in Topa amau’ Pasian’ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna bawl uh hi.

2 KHANG TANGTHU NIHNATE 33:12

Amah a lungkham ciangin Topa a Pasian’ maipha kunh-in a pu a pate’ Pasian mai-ah nakpi takin amah kiniamkhiat hi.

Luka 23:40

Khat in ahih leh, “Nangmah in hih pa mah bangin mawhna thu tanna na thuak napi-in, Pasian kihta lo na hi hiam?

Luka 23:42

Zeisu kiangah, “Topa aw, na Gam sungah na lut khit ciangin kei hong ngaihsun in,” ci-in a gen hi.

1 THESALONIKA MASA 2:10

Amahmah Gam leh a vangliatna sungah hong sam, hong tungsak Pasian tawh a kilawm a kituak na gamtat nadingun pa in a tate a bawl mah bangin kote in note khempeuh bang ci bangin kong hansuah uh a, kong vaikhak uh note in na theih uh mah bangin upna sungah a tung note lakah kote in, bang ci bangin siangthoin, mawhsak nading om loin ka om uh note in, kote ading teci pang mi na hi uh hi; Pasian in zong ko ading teci pang mi ahi hi.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.