Luka 23:34 - Tedim Bible

³⁴ Zeisu in, “Pa aw, amau in bang ahih uh cih thei lo ahih uh ciangin amau mawhna na maisak in,” a ci hi. Amau in lai aisaan-in a puante a hawm uh hi.

Tedim Bible Revision 2017

³⁴ Ahi zongin Jesu in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amauʼ ngah ding ciat a theih nadingun aisanin a puante a hawm uh hi.

Luka 23:34 Referans Kwoze

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

ROM (Romans) 12:14

No hong bawlsiate thupha na pia un. Hamsiat loin thupha na pia un.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

Late 22:18

amaute in amau lakah ka puante hawm uh a, ka puan hawm nadingin lai-ai saan uh hi.

Piancilna 50:17

‘Josef' kiangah hih bangin ci un. Na sanggamte’ thupalsatna leh a khialna na maisak in, kong thum hi, bang hang hiam cih leh nang' tungah amaute in siatna hong bawl uh hi,’ ci hi. Tua ahih ciangin tu-in nang' tungah kong thum uh hi, i pa’ Pasian’ nasemte’ thupalsatna hong maisak in,” ci uh hi. Amaute in ama' kiangah thu a gen ciangin Josef kap hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

1 KORIN MASA 4:12

Ka khut uh tawh gimpi-in na semin ka om uh hi. Hong kikosiat ciangin thupha pia-in ka thuk uh hi. Hong kibawlsiat leh, ka thuak uh hi.

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Marka 15:24

Zeisu singlamteh tungah a khai khit uh ciangin, bang a la ciat ding uh hiam, ci-in lai aisaan-in a puante a hawm uh hi.

Mattiu 11:26

A hi mah hi, ka Pa aw, tua bangin na deih hi.

Luka 22:42

khukdin’in, “Pa aw, na deih leh, hih hai kei tawh hong kipelhsak in. Ahih hangin keima deihna bang hi kei hen; nangma deihna bang hi ta hen,” ci-in thu a ngen hi.

Johan 17:9

Amaute ading thu ka ngen hi. Leitung mite ading thu ka ngen kei hi. Na hong piak mite in nangma mi ahih man-unah amau ading thu ka ngen hi.

Sawltak 16:28

Ahih hangin Paul in, “Nang tungah bangmah na hih kei in, kote khempeuh ka om uh hi,” ci-in nakpi-in a kiko hi.