Luka 23:33 - Tedim Bible

³³ ‘Lutang Guh’ kici mun a tun’ uh ciangin, Zeisu tawh migilo nih a ziatlam khat, a veilam khat singlamteh tungah a khaikhawm uh hi.

Tedim Bible Revision 2017

³³ “Lutang Guh,” a kicihna mun a tun uh ciangin singlamteh tungah Jesu kilhcip uh a, tua mi that mi nihte zong, Jesuʼ tak lamah khat, a veilamah khat kilhcip uh hi.

Luka 23:33 Referans Kwoze

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Thu-hilhkikna 21:23

zan tawntung sing tungah ama luang na omsak kei ding uh a, a ni mah-in na phum ding uh hi; bang hang hiam cih leh khuam tungah a kikhai mi in Pasian’ hamsiat thuak ahi hi, Topa na Pasian un luah dingin note hong piakna na leitang uh na ninsak kei ding uh hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Sawltak 13:29

Ama thu a kigelhkhol a tun’sak khit uh ciangin singlamteh tung pan a lakhia uh a, han sungah a vui uh hi.

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Johan 3:14

“Moses in gamlakah gul a khai bangin Mihing Tapa a kikhai ding hi.

Luka 24:7

A thokik zo hi. Mihing Tapa in migilote khut sungah kipia-in, singlamteh tungah kithat ding a, nithum khit ciangin a thokik ding hi,’ ci-in Galile gamah a om lai-in,

Mattiu 26:2

“Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—