Luka 23:31 - Tedim Bible

³¹ Bang hang hiam na cih uh leh, sing hing tungah a hici bawl uh leh, sing keu tungah bangci bawl ding ahi uh hiam?” ci-in a gen hi.

Tedim Bible Revision 2017

³¹ Singkung hing bang ahi kei tungah hih bangin hong bawl uh ahihleh singkung keu bang ahi note tungah hong nak hih zaw kan ding uh hi lo ahi hiam?” a ci hi.

Luka 23:31 Referans Kwoze

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Paunak 11:31

Mihoihte, hih leitungah thaman kipia ahih leh, migilo leh mawhneite, gimna kipiazaw kan ding hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Jeremiah 25:29

Bang hang hiam cih leh, en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Daan thuak loin na om kei ding uh hi, bang hang hiam cih leh a vanglian Topa in kong cih-inah, leitung-a teeng mi khempeuh that dingin namsau khat ka sawl hi,’ ci in.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Hebru 6:8

Ahi zongin lingkung leh thangling a pian’sak leh, paihkhiatna thuakin hamsiat a thuak nadingin, a tawpna-ah meikhuk khulna a thuak ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Luka 23:30

Tua lai takin mite in, ‘Komau tungah hong kia un. Komau hong vuk un,’ ci-in mualte a sam ding uh hi.

Luka 23:32

Tua lai takin Zeisu tawh migilo, mi that ahi adang mi nih thah dingin a paipih khawm uh hi.