Luka 23:27 - Tedim Bible

²⁷ Mi tampi leh Zeisu hangin nakpi a thuum numei tampite in a nung a zui uh hi.

Tedim Bible Revision 2017

²⁷ Jesuʼ nung zui-in mi tampi tak pai uh a, tuate lakah Jesu kahin a tamlawh numei pawl khat zong a kihel hi.

Luka 23:27 Referans Kwoze

Luka 8:52

Mi khempeuh in numeino hangin nakpi-in a kap uh a, thuumin a om uh hi. Zeisu in, “Kap kei un.

Luka 8:2

Dawi gilo lut leh cinatna a damsak numeite in a zui uh hi. Tuate lakah dawi gilo sagih a hawlkhiatna, Magdalene kici Mari,

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.

Luka 23:55

Galile gam pan Zeisu tawh hong pai numeite in zui uh a, han leh a luang bangci koih ahi hiam ci-in a en uh hi.

Mattiu 27:55

Galile gam ah Zeisu a vak lai-a a nung a zui numei tampite in zong a gamla panin a gal et uh hi.

Late 22:17

Ka guh khempeuh ka sim thei hi—amaute in sal gega-in kei hong en uh hi;

Mattiu 11:17

Sumbukah tu-a a om naupangte in a lawmte saminah, ‘Tamngai ka tum uh hangin na laam kei uh hi. Ka thuum uh hangin na kap kei uh hi,’ a kici naupangte tawh kibang hi.

Luka 23:28

Zeisu in kihei a, “Jerusalem’ tanute aw, kei adingin kap kei un. No ading leh na tate uh ading na kap zaw un.

Johan 16:20

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.