Luka 23:2 - Tedim Bible

² “Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Tedim Bible Revision 2017

² Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Luka 23:2 Referans Kwoze

Johan 19:12

Tua a kipanin Pilat in Zeisu a khah nading a zong zaw hi. Ahih hangin Judah mite in, “Hih pa na khah leh, Kaisar kumpipa’ lawm na hi kei hi; Kaisar kumpipa’ gal ahi kumpipa-a kibawl tawm mi na hi hi,” a ci uh hi.

Luka 23:14

“Mite a kheem thei mi bangin hih mipa kei kiangah nong paipih uh hi. Note mai-ah amah ka dot hanginah, na mawhsakna uh bangin mawhna khat beek ama tungah ka mu kei hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Johan 18:30

Amaute in, “Hih pa migilo hi kei leh, nang kiangah kong pia kei ding uh hi,” a ci uh hi.

Marka 12:17

Zeisu in, “Kaisar kumpipa’ sum, Kaisar kumpipa na pia un. Pasian’ sum, Pasian na pia un,” a ci hi. Amaute in amah lamdang a sa uh hi.

Mattiu 22:21

“Kaisar kumpipa lim leh min hi,” a ci uh hi. Tua ciangin Zeisu in, “Kaisar kumpipa’ sum Kaisar kumpipa na pia un. Pasian’ sum Pasian na pia un,” a ci hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Late 62:4

Ama za-liatna panin sukniam ding bek amaute in sawm uh hi. Amaute in thuman lo-ah nuam sa uh hi. Amaute in a kam uh tawh phat uh a, ahih hangin a sungtawng uh-ah samsiat uh hi.

Sawltak 24:13

Tua tham loin, kei tungah hong mawhsakna thu a gentel dingin teci hong lak thei kei uh hi.

Luka 23:5

Amaute kiko semsemin, “Amah in Galile gam pan akipan hih lai gam dongin, Judah gam sung khempeuh ah thu hilhin mi a zol hi,” a ci uh hi.

Mattiu 17:27

Ahih hangin, tua mite in eite’ hangin a puk loh nadingun, tuili-ah pai in la, nga thang va siah in. Nga na mat masak la in la, a kam na phen ciangin peekkhat na mu ding hi. Tua dangka la in la, kei ading leh nang adingin siahdongte na pia in,” a ci hi.

Amos 7:10

Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Late 35:11

Mi a el tecite hong kipan uh a, ka theih loh thute kei hong dong uh hi.

1 KUMPI MASATE 18:17

Ahab in Elijah a muh ciangin, ama kiangah, “Nang in Israel mite a lungkhamsakpa na hi hiam?” a ci hi.

Mattiu 27:11

Zeisu in mangpa mai-ah a din’ ciangin mangpa in, “Nang, Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Marka 15:2

Pilat in, “Nang Judah Kumpipa na hi hiam?” ci-in a dot ciangin Zeisu in, “Na cih mah bangin ka hi hi,” a ci hi.

Johan 18:29

Tua ahih ciangin Pilat in amaute kiangah paikhia a, “Hih mi’ tungah mawhsakna bang na nei uh hiam?” ci-in a dong hi.

ROM (Romans) 13:7

Mi khempeuh ngah ding a kilawm bangin na pia un. Phiangsiah ngah ding a kilawmte phiangsiah na pia un. Kihtak ding a kilawmte na kihta un. Zahtak ding a kilawmte na zahtak ta un.