Luka 23:16 - Tedim Bible

¹⁶ Hih mi in sihna thuak nading a kilawm bangmah a hih kei hi.

Tedim Bible Revision 2017

¹⁶ Tua ahih manin amah satna tawh thuhilhin ka khah ding hi,” a ci hi.

Luka 23:16 Referans Kwoze

Mattiu 27:26

Pilat in amaute kiangah Barabbas khah a, Zeisu ahih leh, a satsak khit ciangin singlamteh tungah thah dingin a pia hi.

Luka 23:22

Pilat in, “Bang hang hiam? Amah in mawhna bang ta khial ahi hiam? Ama sih nadingin a kilawm ama tungah thu khat beek ka mu kei hi. Tua ahih ciangin ka sat khit ciangin ka khah ding hi,” ci-a thumveina a gen hi.

Marka 15:15

Pilat in mihonpi a lungdamsak nadingin Barabbas amaute kiangah khah a, Zeisu ahih leh, a sat khit uh ciangin, singlamteh tungah thah dingin a pia hi.

Sawltak 16:37

Ahih hangin Paul in, “Rom mi ahi kote thukhen loin a kilangin a hong sat khit uh ciangin, thong sungah a hong khum zo uh hi. Tu-in hong khahkhia sim ding ahi uh hiam? Hi lo hi! Amaute hong pai hen la, a kilangin komau hong lakhia uh hen,” ci-in palik bute kiangah a gen hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi; Ama gimthuakna hangin nopna i ngah a, ama liamna hangin damna i ngah hi.

Luka 6:37

“Midangte’ thu na tan kei uh leh, thu tanna tawh na kipelh ding uh hi. Midangte na mawhsak kei uh leh, mawhsakna tawh na kipelh ding uh hi. Midangte’ mawhna na maisak uh leh, note mawhna a kimaisak ding hi.

Luka 23:17

Tua ahih ciangin, ka sat khit ciangin ka khah ding hi,” a ci hi.