Luka 23:14 - Tedim Bible

¹⁴ “Mite a kheem thei mi bangin hih mipa kei kiangah nong paipih uh hi. Note mai-ah amah ka dot hanginah, na mawhsakna uh bangin mawhna khat beek ama tungah ka mu kei hi.

Tedim Bible Revision 2017

¹⁴ amaute kiangah, “Hih mipa in i mipihte lam khialsak hi, ci-in mawhsakin kei kiangah nong paipih uh hi. Note khempeuh mai mahah amah thu ka sit a, amah na mawhsakna uh thute khat beek ah a mawhna ka mu kei hi.

Luka 23:14 Referans Kwoze

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Sawltak 13:28

A sih nading a kituak thu khatbeek a muh loh uh hangin, thah dingin Pilat mangpa kiangah a ngen uh hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.