Luka 23:11 - Tedim Bible

¹¹ Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Tedim Bible Revision 2017

¹¹ Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Luka 23:11 Referans Kwoze

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Johan 19:5

Tua ahih ciangin, Zeisu in ling lukhu khu-in, puanza san silhin a paikhia hi. Pilat in, “En un, hih pa,” a ci hi.

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Late 22:6

Ahih hangin keimah in lungno khat bang ka hi lel a, mi ka hi kei hi; mite’ ko, mite’ simmawh ka hi hi.

Mattiu 14:1

Tua lai takin Herod Kumpipa in Zeisu thu a zak ciangin,

Mattiu 14:3

Herod in a nau Filip’ zi Herodias thu hangin Johan a matsak khit ciangin, henin, thong sungah a khia hi.

Mattiu 14:6

Tua nung ciangin Herod a suah ni a tun’ ciangin pawi kham a, Herodias’ tanu in pawi khamna-ah a lam ciangin, Herod a nuam hi.

Luka 23:10

Tua lai takin siampi liante leh laitheite ding-in nakpi-in a mawhsak uh hi.

Jeim 2:2

Kham khutbuh bulh a, puanhoih a silh mi leh a kihhuai puansia a silh mizawngte, nih in na kikhopna inn sung uhah hong tumkhawm uh ciangin, puanhoih a silhpa enin, “Omna pha hih lai-ah na tu in,” ama kiangah na ci uh a, mizawngpa kiangah, “Hua lai-ah na ding in, a hih kei leh, ka khe ngakna kiangah tu in,” na cih uh leh, lang khatah maitang zahtak tuamna lungsim nei-in, ahoih lo hanciamna tawh thukhen mi suak hilo na hi uh hiam?