Luka 23:10 - Tedim Bible

¹⁰ Tua lai takin siampi liante leh laitheite ding-in nakpi-in a mawhsak uh hi.

Tedim Bible Revision 2017

¹⁰ Siampi liante le Thukham hilh siate in hong neh uh a, Jesu mawhsakna thu nakpi takin hong gen uh hi.

Luka 23:10 Referans Kwoze

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Luka 23:5

Amaute kiko semsemin, “Amah in Galile gam pan akipan hih lai gam dongin, Judah gam sung khempeuh ah thu hilhin mi a zol hi,” a ci uh hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Luka 11:53

Zeisu in tua mun pan a paikhiat lai takin, laitheite leh Farisaite in nakpi-in hansuahin,

Mattiu 27:12

Siampi liante leh upate in amah a mawhsak uh ciangin, Zeisu in kamkhat beek a dawng kei hi.

Luka 23:9

Amah in thu tampi a dot hangin, Zeisu in kam khat beek a dawng kik kei hi.

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.