Luka 22:70 - Tedim Bible

⁷⁰ Amaute khempeuh in, “Tua ahih leh, Pasian’ Tapa na hi hiam?” ci-in a dong uh hi. Zeisu in, “Na gen bangun ka hi hi,” a ci hi.

Tedim Bible Revision 2017

⁷⁰ Tua ciangin a vekpi-un, “Tua ahihleh Pasianʼ Tapa na hi hiam?” a cih uh ciangin, “Pasianʼ Tapa hi, nong ci uh hi,” ci-in a dawng hi.

Luka 22:70 Referans Kwoze

Luka 23:3

Pilat in, “Nang Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Marka 15:2

Pilat in, “Nang Judah Kumpipa na hi hiam?” ci-in a dot ciangin Zeisu in, “Na cih mah bangin ka hi hi,” a ci hi.

Mattiu 27:11

Zeisu in mangpa mai-ah a din’ ciangin mangpa in, “Nang, Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Mattiu 26:25

Zeisu a lehheekpa Judas in, “Topa, kei ka hi hiam?” ci-in a dot ciangin Zeisu in, “Nang cih bang ahi hi,” a ci hi.

Luka 22:71

Tua lai takin amaute in, “Adang bang teci thu deih lai i hi hiam? Ama kam pan eite in i thei zo hi,” a ci uh hi.