Luka 22:66 - Tedim Bible

⁶⁶ Khua a vak ciangin mite lakah upate, siampi liante leh laitheite kikhawm uh a, Zeisu amau zumah a paipih uh hi.

Tedim Bible Revision 2017

⁶⁶ Khua a vak ciangin upate, siampi liante le Thukham hilh siate hong kikhawm uh a, uliante mai ah Jesu hong kipaipih hi.

Luka 22:66 Referans Kwoze

Marka 15:1

A zingsang ciangin siampite in thakhatin upate, laitheite leh vaihawmte khempeuh tawh a vaihawm uh a, Zeisu khau tawh a hen khit uh ciangin paipihin, Pilat Mangpa tungah a pia uh hi.

Mattiu 27:1

A zingsang ciangin siampi liante leh upate khempeuh in Zeisu thah dingin a vaihawm uh a;

Sawltak 22:5

Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.