Luka 22:40 - Tedim Bible

⁴⁰ Tua mun a tun’ ciangin, “Kheemna tawh na kipelh theih nadingun thu na ngen un,” a cih khit ciangin,

Tedim Bible Revision 2017

⁴⁰ Ama pai nopna mun a tun ciangin amaute kiangah, “Ze-etna na tuah khak loh nadingun thu ngen un,” ci-in a gen hi.

Luka 22:40 Referans Kwoze

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Luka 22:46

Amaute kiangah, “Note in bang hangin ihmu na hi uh hiam? Tho un la, kheemna tawh na kipelh theih nadingun thu na ngen un,” a ci hi.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

Luka 11:4

Ko tungah hong mawhte ka maisak uh bangin, kote mawhna zong hong maisak ta in; Kheemna hong thuaksak kei in,’ ci-in na ngen un,” a ci hi.

Late 119:133

Nong ciamsa bangin ka puk nading panin hong kem in la, kei’ tungah siatna gualzosak kei in.

Late 17:5

Ka kalsuannate in nangma lampi-ah kip khin a, ka khe taal lo hi.

1 KHANG TANGTHU MASATE 4:10

Jabez in Israel Pasian tungah thu ngen a, “Kei thupha hong pia-in ka gamgi hong keeksak in. Kei hong ompih in la, kei hong gimsak loh nadingin siatna panin hong kem in!” a ci hi. Tua ciangin Pasian in ama ngetna pia hi.

Late 19:13

Mawh kaltangnate panin zong na nasempa hong kem in la, tuate keima tungah hong uk sak kei in! Tua ciangin kawk ka baang kei ding a, mawhna lian panin ka siang ding hi.