Luka 22:36 - Tedim Bible

³⁶ “Tu-in ahih leh, dangka-ip a nei mi in la ta hen. Tua mah bangin thung-ip a nei mi in la ta hen. Namsau a nei lo mi in a puan zuak hen la, namsau lei ta hen.

Tedim Bible Revision 2017

³⁶ Tua ciangin Jesu in, “Ahi zongin, tu-in ahihleh, sumbawm ahi a, ip ahi zongin a neite in keng unla, namsau a nei lo peuhmah in na puansilh uh zuak unla khat lei un.

Luka 22:36 Referans Kwoze

1 THESALONIKA MASA 3:4

Bang hang hiam na cih uh leh, eite in gimna i thuak ding hi ci-in note tawh ka omkhawm lai takun ka hong gen zo uh hi. Kong gen uh mah bangin zong a piang hi ci-in na thei uh hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

1 PETER MASA 4:1

Tua bangin Khazih in ama pumpi-in gimna thuak ahih ciangin, note in zong a nung ciangin mite deihna bang zui loin,

Johan 15:20

‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Mattiu 10:10

Lampi-ah na zat dingun thungip, puanak nih, khedapte, ciangkhut, tuate na keng kei un. Bang hang hiam na cih uh leh, nasempa in neek ding dawn ding a ngah tuak hi.

Luka 22:35

Khatvei Zeisu in, “Dangka-ip, thung-ip, khedapte keng loin note kong sawl lai-in, na sapna uh a om hiam?” ci-in a dot ciangin, “Sapna khat beek a om kei hi,” a ci uh hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Luka 22:38

Amaute in, “Topa aw, namsau nih a om hi,” a cih uh ciangin, “Pha hi,” a ci hi.