Luka 22:34 - Tedim Bible

³⁴ Zeisu in, “Piter aw, ke’n kong cih-inah, nangmah in, ‘Ke’n ka thei kei hi,’ ci-in kei thumvei nong nial matengin, tuni-in aak a khuang kei ding hi,” a ci hi.

Tedim Bible Revision 2017

³⁴ Tua ciangin Jesu in, “Peter aw, keʼn a mantakin kong genin ah, ‘Amah ka thei kei hi,’ ci-in thum vei nong nial khit matengin tu ni-in ak khuang lo ding hi,” a ci hi.

Luka 22:34 Referans Kwoze

Johan 13:38

Zeisu in, “Kei adingin na nuntakna na paai ding hiam? Ke’n aman takpi kong cih-inah, thumvei na hong nial ma-in aak a khuang kei ding hi,” ci-in a gen kik hi.

Marka 14:30

Zeisu in, “Ke’n aman takpi kong cih-inah, tuzan aak nihvei a khuan’ ma-in thumvei na hong nial ding hi,” a ci hi.

Mattiu 26:34

Zeisu in, “Ke’n aman takpi kong cih-inah, tuzan ak a khuan ma-in thumvei kei na hong nial ding hi,” a ci hi.

Mattiu 26:74

Piter in, “Tua pa ke’n ka thei kei hi,” ci-in hamsia tawh a kiciam khit phetin ak a khuang pah hi.

Johan 18:27

Piter in a nial kik hi. Tua ciangin thakhatin aak a khuang hi.

Luka 22:33

Simon in, “Topa aw, thong kiatna ahi zongin, sihna ahi zongin nang tawh ka thuakkhawm ngam ding hi,” a ci hi.

Luka 22:35

Khatvei Zeisu in, “Dangka-ip, thung-ip, khedapte keng loin note kong sawl lai-in, na sapna uh a om hiam?” ci-in a dot ciangin, “Sapna khat beek a om kei hi,” a ci uh hi.

Luka 22:61

Tua lai takin Topa kihei-in Piter a en hi. Piter in, “Tuni-in aak a khuan’ ma-in nang in thumvei nong nial ding hi,” Topa in a cihna thu a phawk kik hi.