Luka 22:33 - Tedim Bible

³³ Simon in, “Topa aw, thong kiatna ahi zongin, sihna ahi zongin nang tawh ka thuakkhawm ngam ding hi,” a ci hi.

Tedim Bible Revision 2017

³³ Tua ciangin Peter in, “Topa aw, nang tawh thong a kia khawm ding le a si khawm dingin a kiging sa-in ka om hi,” ci-in a gen hi.

Luka 22:33 Referans Kwoze

Marka 14:31

Piter in, “Nang tawh ka sikhawm zongin nangmah kong nial kei ding hi,” ci-in lungkhauhna tawh a gen hi. Amaute khempeuh in zong tua mah bangin a ci uh hi.

Marka 14:29

Piter in, “Mi khempeuh a lungkia uh hangin keimah in ka lungkia kei ding hi,” a ci hi.

Mattiu 20:22

Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

Paunak 28:26

Ei leh ei kimuan’na in haina hi a, mipilte’ hilhna zuihna in lungmuan’na hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Luka 22:34

Zeisu in, “Piter aw, ke’n kong cih-inah, nangmah in, ‘Ke’n ka thei kei hi,’ ci-in kei thumvei nong nial matengin, tuni-in aak a khuang kei ding hi,” a ci hi.

Johan 13:38

Zeisu in, “Kei adingin na nuntakna na paai ding hiam? Ke’n aman takpi kong cih-inah, thumvei na hong nial ma-in aak a khuang kei ding hi,” ci-in a gen kik hi.

Luka 22:57

Piter in, “Numei aw, tua pa ke’n ka thei kei hi,” ci-in a nial hi.