Luka 22:22 - Tedim Bible

²² Mihing Tapa in a kisehkhol mah bangin a pai ding hi. Ahih hangin amah a lehheekpa in gimna a thuak ding hi,” a ci hi.

Tedim Bible Revision 2017

²² Bang hang hiam cih leh Pasianʼ seh sa bangin Mihing Tapa si dinga, ahi zongin amah a lehhek pa in gimna thuak ding hi,” a ci hi.

Luka 22:22 Referans Kwoze

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Luka 24:46

Khatvei Zeisu in,, “Khazih in sihna thuak a, ni thum khit ciangin thokik ding a;

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

Marka 14:21

Mihing Tapa in Lai Siangtho sungah a kigelh mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, ama adingin a hoihzaw ding hi,” a ci hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Mattiu 27:5

Judas in biakna innpi sungah dangka paai a, mun dangah a pai khit ciangin a awklum hi.

Luka 22:23

A nungzuite in, “Hih ahih ding kua ahi hiam?” ci-in khat leh khat a kidong uh hi.

Sawltak 10:42

Amah in ‘Mi khempeuh kiangah thuhilh un la, mi nungta leh misite thu khen dingin Pasian’ koihsa mi in tua mi ahi hi ci-in teci na pang un,’ ci-in kote thu hong pia hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.