Luka 21:8 - Tedim Bible

⁸ Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi.

Tedim Bible Revision 2017

⁸ Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Luka 21:8 Referans Kwoze

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

2 THESALONIKA NIHNA 2:3

Kuamah in note bangmah hangin hong kheem kei hen. Bang hang hiam na cih uh leh, tua Ni hong tun’ ma-in langpan’na lian a piang masa ding a, kisiatna’ ta ahi Gilo Mi in hong piang ding hi.

Efesa 5:6

A mawkna kam tawh note kuamah kikheem sak kei un. Bang hang hiam na cih uh leh, tuate hangin Pasian’ hehna in a nial thei mite tungah a tung hi.

Mattiu 24:11

Kamsang zuautheite hong piang ding uh a, mi tampi a khem ding uh hi.

2 TIMOTI NIHNA 3:13

A gilo leh mi kheem thei mite a hih uh leh, gilo semsem ding uh a, midangte kheemin, amau mahmah zong a kikheem ding uh hi.

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.

Luka 17:23

Mite in, ‘En un, hih lai takah a om hi. En un, hua lai takah a om hi,’ ci-in note kiangah hong gen uh hangin na paikhia kei un la, amau nung na zui kei un.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Mangmuhna 1:3

Hih lai simin, hih hilhkholhna thu za-in, lai sungah a kigelh nate a ngai mite in thupha a ngah ding uh hi. Bang hang hiam i cih leh, a hun a nai zo hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 5:43

Kei in ka Pa’ min tawh kong pai hangin nong sang kei uh hi. Midang khatpeuh amahmah min tawh hong pai leh, na sang ding uh hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Luka 21:7

Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi.

Luka 21:9

Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;