Luka 21:6 - Tedim Bible

⁶ Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.

Tedim Bible Revision 2017

⁶ “Tu-a na muh uh hih nate khempeuh a siat gawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphel kek mang ding hi,” a ci hi.

Luka 21:6 Referans Kwoze

Marka 13:2

Zeisu in, “Hih a lian mahmah innte na mu uh hiam? A kiphelkhia loin suang khat tungah suang kiciang khat beek a om kei ding hi,” a ci hi.

Mattiu 24:2

Zeisu in, “Hihte khempeuh mu hilo na hi uh hiam? Ke’n aman takpi kong cih-inah, a kiphelkhia loin suang khat tungah suang kiciang khat beek a om kei ding hi,” a ci hi.

Kah la 5:18

Zion mual in gamdaihna-ah kinusia khin ahih manin se-alte a kawivak uh hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Zekhariah 11:1

Mei in na taamtaak kungte a kat theih nadingin, na kongpite hong in, Lebanon aw,

Kah la 4:1

Biakinnpi kisia a, suang kiciangte kongzing lakah a kithehthang hi. Khamtui tawh a kizut a tee daldalte a mualmang khin zo hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Jeremiah 26:9

Bang hangin, ‘Hih biakinnpi in Shiloh tawh kibang ding a, hih khuapi-ah a teeng om loin gam simtham a suak ding hi,’ ci-in Topa’ minin thu hilh na hi hiam?” ci-in a gen uh hi. Topa’ biakinnpi sungah mi khempeuh in Jeremiah a umcih uh hi.

Jeremiah 26:6

hih biakinnpi Shiloh khua ka bawl bangin ka bawl ding a, hih khuapi leitung gam khempeuhte’ kihaamsiatna-in ka zangsak ding hi,’ na ci ding hi,” a ci hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Luka 21:7

Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi.