Luka 21:36 - Tedim Bible

³⁶ Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Tedim Bible Revision 2017

³⁶ Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

Luka 21:36 Referans Kwoze

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Mattiu 24:42

Bang hang hiam na cih uh leh, na Topa uh hong pai ding ni na thei kei uh hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Marka 13:33

“Tua hun cik ciang hong tung ding thei lo na hih uh ciangin, kikem un la, thu ngenin ngak un.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Mattiu 26:41

Kheemna tawh na kipelh theih nadingun thu ngen un la, ngak un. Lungsim a ut hangin pumpi a thazawng hi,” ci-in Piter kiangah a gen hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

1 THESALONIKA MASA 5:17

Thungen niloh un.

Marka 13:37

Note kiangah kong cih mah bangin, mi khempeuh kiangah zong, ‘Ngak un,’ ka ci hi,” ci-in Zeisu in a gen hi.

2 TIMOTI NIHNA 4:5

Nangmah na hih leh, na khempeuh sungah na lungsim na kikeem in, gimna thuak in, thuhilh sia’ na mah na sem in; nang nasep ding nasepna a vekpi-in na sem in.

Kolose 4:2

Thungen tawntung un la, hong hehpihna phatin ngak un.

Sawltak 10:2

Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Late 1:5

Tua ahih ciangin migilote in thukhenna nang zo lo ding a, mimawhte in midikte’ pawl sungah kihel thei lo ding hi;

JOB (Job) 27:10

Pasian in a piak ding lungdamna a deih ding uh kilawm ahih manin, ama tungah thu a nget tawntung ding uh a kilawm ahi hi.

Luka 20:35

hong tung ding hun leh thawhkikna ngah dinga kilawm, misite lak pana a thokik mite kipi kiteengin a om nawn kei ding uh hi.

Jeremiah 35:19

a vanglian Topa, Israel mite’ Pasian in kong cih-inah: Rekhab’ tapa Jonadab’ suante’ lak panin ka mai-a a ding ding ka nasem ding pasal khat beek nei loin a om ngei kei ding hi, hong ci hi,” ci-in a gen hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Mattiu 24:43

Gutate hong pai ding hun inn neipa in theikhol leh, ama inn a suksiat loh nadingin a pang ding hi, ci-in na thei ta un.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Luka 21:35

Tua mah bangin leitungah a teeng mi khempeuh tungah hong tung ding hi.

2 KORIN NIHNA 4:14

Topa Zeisu sihna pan a thosakpa in Zeisu tawh kote zong hong thosak kik ding a, note tawh a kiangah a hong tum khawmsak ding hi cih ka thei hi.

Mangmuhna 6:17

Bang hang hiam na cih uh leh, tuate hehna a lianpi Ni hong tung zo hi. Kua in a thuak zo ding hiam?” ci-in mualte leh suangte kiangah a ci uh hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.

Mangmuhna 8:2

Tua nung ciangin Pasian mai-ah ding-in a om vantungmi sagih ka mu hi. Tuate peengkul sagih a kipia hi.

Mangmuhna 11:4

Tua mite in leitung Topa mai-ah a om oliv kung nih, meivak koihna nih ahi uh hi.