Luka 21:33 - Tedim Bible

³³ Van leh lei a mangthang ding hi; ka thu ahih leh, a mangthang ngei kei ding hi.”

Tedim Bible Revision 2017

³³ Vanlelei a mangthang zongin ka thugente maimang ngei lo ding hi.

Luka 21:33 Referans Kwoze

Isaiah 40:8

Lopa vul a, paak pulh hi; ahih hangin i Pasian’ thu kho tawntung ding hi.

Marka 13:31

Van leh lei a mangthang ding uh hi; ahi zongin ka thu a mangthang kei ding hi.”

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Late 102:26

Amaute sia ding a, ahih hangin nang na kip hi; amaute pen puan bangin paatkhia ding hi. Nangmah in amaute pen puan bangin na kheek a, amaute maimang uh hi;

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

1 PETER MASA 1:25

Pasian’ thu ahih leh, a kip tawntung ding hi.” Tua thu in note kiangah hong kihilh Lungdamna Thu ahi hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Late 119:152

Tuate a tawntunga kip dinga na bawl ahihna thu, nangma thuhilhnate panin sawtpi-in ka thei hi.

Luka 16:17

Ahih hangin Pasian’ Thukham neupen a kipaihkhiat ding sangin, van leh lei a man’than nading a baihzaw ding hi.”

Luka 21:32

Ke’n aman takpi kong cih-inah, hih khang mite a beima-in hih thu khempeuh hong piang ding hi.