Luka 21:25 - Tedim Bible

²⁵ “Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi.

Tedim Bible Revision 2017

²⁵ “Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Luka 21:25 Referans Kwoze

Isaiah 13:10

Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Sawltak 2:19

Tunglam vantungah nalamdang ka lak ding a, Van nuai leitungah lim ka lak ding hi. Si tawh, meikuang tawh, meikhu tawh ka lak ding hi.

Isaiah 51:15

Bang hang hiam cih leh keimah in tuipi tok gawpin tuihualte a hawksak Topa, note’ Pasian ka hi hi—Vanglianpen Topa in ama min ahi hi.

Marka 13:26

Tua lai takin, vangliatna leh minthan’na tawh Mihing Tapa meii tungah hong kumsuk a mu ding uh hi.

Marka 13:24

“Tua gimna khit ciangin ‘Ni hong mial ding a, kha a hong tang nawn kei ding hi;

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Marka 15:33

Sun laitak, nai sawm leh nai nih a phak ciangin, nai thum dongin leitung khempeuh khua a mial hi.

Jeremiah 4:23

Leitung ka et leh lim-le-mel nei lo a, vantungah lah khuavak om lo hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Mattiu 27:45

Sun laitak nai sawm leh nai nih pan a kipan, nai thum dongin leitung khempeuhah khua mial hi.

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Isaiah 17:12

Ah, mi tampite’ kikona, tuipi ging bang! Ah, minamte’ otna, tui lianpi ging bang!

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Luka 21:26

Leitungah a tung ding gimna teng mite in a lamen ding uh a, kihta-in a sibup ding uh hi. Bang hang hiam na cih uh leh, vanah a om vangliatnate a kiliing ding uh hi.