Luka 21:24 - Tedim Bible

²⁴ Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Tedim Bible Revision 2017

²⁴ Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Luka 21:24 Referans Kwoze

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Isaiah 63:18

Nangma misiangthote in na biakinn tawl khat sung bek nei uh hi; ko hong langpangte in tua pen tuancil gawp khin hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Isaiah 5:5

Tu-in, ka leenggui lo tungah ka hih ding note tungah kong gen ding hi. A daai ka lakhia ding a, kinemang ding hi; a gawl ka susia ding a, kituancil ding hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Isaiah 66:12

Topa in hih bangin ci hi: “En un, gunpi bangin nopsakna leh tui letkhia bangin minamte’ hauhna ama tungah ka tungsak ding hi; note pen a nu’ nawi teepin, a ang-ah kipua a, a khuk tungah a diang naungeek bangin hong kemin na lungkim ding uh hi. Ama hauhna ah na lungdam ding uh hi.

Piancilna 34:26

Amaute in Hamor leh a tapa Shekhem namsau tawh that uh a, Shekhem’ inn sung panin Dinah lakhia-in, paikhia uh hi.

Paikhiatna 17:13

Joshua in Amalek leh ama' mite namsau tawh vat maai hi.

Luka 21:25

“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi.

Hebru 11:34

meikuang a mitsak uh hi, namsau mai-ah a suakta uh hi, thanemna pan a thahat uh hi, galdona-ah a hang uh hi, gamdang galkapte a taisak uh hi.