Luka 21:19 - Tedim Bible

¹⁹ Lung kipna tawh nuntakna na ngah ding uh hi.”

Tedim Bible Revision 2017

¹⁹ Hih bangin thuak zo le-uhcin nuntakna taktak ngah ding na hih manun kip takin om un.

Luka 21:19 Referans Kwoze

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Jeim 1:3

Bang hang hiam na cih uh leh, note upna uh hong ze-etnate in thuakzawhna hong khangsak hi ci-in na ciamteh un.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

ROM (Romans) 5:3

Tua tham loin gimna i thuak ciangin i lungdam hi. Bang hang hiam na cih uh leh, gimna in thuakzawhna a piangsak hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.

Hebru 6:11

Note khempeuh in thadahna nei loin, upna leh thuakna hangin thuciamna a luah ding mite bangin na gamtat zawh nadingun, a tawp dongin upkhialhna nei loin, lametna tawh na dim nadingun, na hahkat nadingun ka deih uh hi.

Mattiu 24:13

A bei dongin a kipte in gupna a ngah ding uh hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

Hebru 6:15

Tua mah bangin Abraham in thuakin a ngak khit ciangin a thuciamna bangin a ngah hi.

2 THESALONIKA NIHNA 3:5

Pasian it nading ahi zongin, Khazih bangin thuak zawh nading ahi zongin Topa in note lungsim hong hilh ta hen.

ROM (Romans) 8:25

I muh loh nate i lamet leh, tuate lungnemna tawh ngakin i om hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Late 40:1

Topa lamenin ka ngak ngiungeu a, amah keima lam hong nga-in ka kikona aw hong za hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

ROM (Romans) 5:4

Thuakzawhna in teci kilatsakna a piangsak hi. Teci kilatsakna in lawpna a piangsak hi.

Jeim 1:4

Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

2 PETER NIHNA 1:6

lungpilna tungah noptat khamna, noptatna khamna tungah thuakna, thuakna tungah Pasian biakna lamah nopsakna,