Luka 21:17 - Tedim Bible

¹⁷ Keima min hangin mi khempeuh in note hong mudah ding uh hi.

Tedim Bible Revision 2017

¹⁷ Mi khempeuh in keima hangin note hong mudah ding uh hi.

Luka 21:17 Referans Kwoze

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

2 KORIN NIHNA 4:11

Bang hang hiam na cih uh leh, Zeisu’ nuntakna in a si thei komau pumpi sung uhah a kilat nadingin a nungta kote in Zeisu hangin sihna’ khut sungah piakna ka thuak tawntung uh hi.

Johan 17:14

Amaute kiangah nangma thu ka pia zo hi. Keimah in leitung tawh ka kipawl loh bangin, amaute zong leitung tawh kipawl lo ahih uh ciangin, leitung mite in amaute a mudah uh hi.

Marka 13:13

Keima min hangin mi khempeuh in note hong mudah ding uh hi. A tawp dongin a thuak zote in gupna a ngah ding uh hi.”

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Mattiu 5:11

Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

2 KORIN NIHNA 4:5

Kote in komau thu ka hilh kei uh hi. Zeisu Khazih in Topa ahi hi cih ahi zongin, kote in Zeisu Khazih ading note’ sila ka hi uh hi, cih ahi zongin ka hilh uh hi.

Luka 21:16

Na nute na pate, na sanggampate, na behte leh na lawmte nangawn in note hong pia ding uh a, note kimkhat zong hong sisak ding uh hi.

Luka 21:18

Ahih hangin na sam uh zang khat beek a kisia kei ding hi.