Luka 21:12 - Tedim Bible

¹² Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Tedim Bible Revision 2017

¹² Ahi zongin hihte khempeuh hong pian ma-in keima hangin note hong kimanin hong kibawlsia ding hi. Kikhopna innte ah thusitna thuakin thong ah khiat dingin hong ki-ap dinga, ukpite le kumpite mai ah hong kipaipih ding hi.

Luka 21:12 Referans Kwoze

1 PETER MASA 2:13

Topa ading a lian bel kumpipa ahi zongin, a pha lo gamta mite daan pia ding leh a pha gamta mite pahtawi dingin kumpipa in a koih mangte ahi zongin, mite in a koih ukna nei khempeuh ahi zongin na mang un.

Sawltak 22:30

A zing ciangin bang hangin Judah mite in Paul a mawhsak uh hiam cih galkap mangpa in tel takpi thei nuamin Paul khahkhia a, siampi liante leh upate a kikhopsak khit ciangin paipihsuk a, amaute mai-ah a koih hi.

Sawltak 9:4

Amah in lei tungah puksuk a, “Saul aw, Saul aw, bang dingin kei hong bawlsia na hi hiam?” a cihna aw a za hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Johan 15:20

‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Mattiu 22:6

A om laite in a nasemte manin, bawlsia-in a that uh hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Mattiu 24:8

Tuate khempeuh in gimna kipat cilna ahi hi.”

Luka 21:11

Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.