Luka 21:10 - Tedim Bible

¹⁰ Tua ciangin Zeisu in, “Mi namkhat leh namkhat, gamkhat leh gamkhat hong kido ding uh hi.

Tedim Bible Revision 2017

¹⁰ Tua ciangin Jesu in a thugen zom lai a, “Gam khat le gam khat hong kido-in, kumpi khat le kumpi khat hong kido ding hi.

Luka 21:10 Referans Kwoze

Marka 13:8

Mi namkhat leh namkhat, gamkhat leh gamkhat hong kido ding uh hi. Mun khat khatah ziin hong ling ding hi. Kial zong hong tung ding hi. Tuate in gimna kipat cilna ahi hi.”

Hebru 12:27

“Khatvei,” a cihna kam a khiatna in, a liing lo nate a kip nadingin a liing nate, a pian’sak nate a paaikhia ding hi a cihnopna hi.

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a mat khak mite manin khat leh khat kilaithang gawp ding uh hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Luka 21:9

Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.

Luka 21:11

Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi.