Luka 20:7 - Tedim Bible

⁷ Tua khit ciangin, “Koi pan hong piang cih ko ka thei kei uh hi,” ci-in Zeisu kiangah a gen uh ciangin,

Tedim Bible Revision 2017

⁷ Tua ahih manin Johanʼ tuiphumna pen kua thu tawh hiam, cih thei kei ung, ci-in a dawng uh hi.

Luka 20:7 Referans Kwoze

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

Johan 9:39

Zeisu in, “Khua mu thei lote a muh nading ahi zongin, khua mu theite in mittawt nading ahi zongin thu khen dingin leitungah kong pai hi,” a ci hi.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Zekhariah 11:15

Tua ciangin Topa in kei kiangah, “Khat vei tuucing nasep semkik in la, tu tungin kiman’na a nei lo tuucing nasep sem in.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 41:28

Ahih hangin tua mun ka et ciangin kuamah om lo hi; thu ka dot ciangin hong dawng ding om lo a, thu lamlak amaute lakah om lo hi.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Luka 20:6

‘Mi tung pan hong piang hi ci leeng mi khempeuhte in suang tawh hong deeng ding uh hi.’ Bang hang hiam i cih leh, amaute in Johan in kamsangpa a sa uh hi,” ci-in khat leh khat a kikum uh hi.

Luka 20:8

Zeisu in, “Tua mah bangin hih nate, kua thu tawh ka bawl kong gen kei ding hi,” a ci hi.