Luka 20:47 - Tedim Bible

⁴⁷ Amaute in meigongte’ neihsa a ne mang uh a, mawhna a kilat loh nadingin sauveipi thu a ngen uh hi. Tuate in mawhsakna lianzaw a thuak ding uh hi,” a ci hi.

Tedim Bible Revision 2017

⁴⁷ Meigong numeite tungah nuamtak sa-in, khemin a neihsa teng uh laksak uh a, mite in mihoih a sak nading uh a deihna-un thu sau pipi a ngen uh hi. Amauʼ kineihkhemna tawh kizui-in a gimthuak ding uh lian zaw ding hi,” a ci hi.

Luka 20:47 Referans Kwoze

Marka 12:40

Amaute in meigongte’ neihsa a ne mang uh a, mawhna seel nadingin sau veipi thu a ngen uh hi. Tuate in mawhsakna lianzaw a thuak ding uh hi,” a ci hi.

Jeim 3:1

Ka u ka naute aw, Sia a sem kote in a khauhzaw thukhenna thuak ding ka hih manun note a tampi Sia suah ding na sawm kei un. Bang hang hiam na cih uh leh eite in thudotna i thuak zaw ding hi ci-in na thei ta un.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Luka 12:1

Tua lai takin khat leh khat khe kisik kha dongin mi tul tampite a kikhawm uh hi. Zeisu in a nungzuite kiangah a gen masak pen-inah: “Mi simtatna ahi Farisaite’ silngo kikem un la, na tang un.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Micah 3:2

thuhoih deih loin thusia na deih zawsop uh hi. Note in mite vun na hing hawkkhiat uh a, a guh uh na hing kheuh uh hi.

Micah 2:8

Ahi zongin Topa in hih bangin hong ci hi: Note in ka mite’ gal na suak uh a, gal sung panin a hong ciahkik, lungmuanga a om mite’ puantualpi ngahte na sut uh hi.

Amos 2:7

Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

1 THESALONIKA MASA 2:5

Bang hang hiam na cih uh leh, note in na theih uh mah bangin, kote in mi phatna kam khat beek ka zang kei uh a, a kiseel huaihamna lungsim neu kha beek a om loh thu, Pasian in kote ading teci a pang hi.

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Mattiu 23:14

“A simtat laitheite leh Farisaite aw, meigongte’ neihsa teng na nektumsak uh a, kineihna tawh saupipi thu na ngen uh hi. Tua ahih ciangin thukhenna lauhuaizaw na thuak ding uh hi.

Luka 20:46

“Laitheite na kikeem un. Amaute in puantual silhin a vak nuam uh hi. Sumbukah zahtakna tawh hopih ahi zongin, pawikhamna sungah tutna phabel ahi zongin a deih uh hi.

Luka 21:1

Tua lai takin Zeisu in en a, sumhaute in sumkholna sungah sum a khiat uh a mu hi.