Luka 20:41 - Tedim Bible

⁴¹ Zeisu in, “Khazih in David’ Ta hi bangci a kici thei hiam?

Tedim Bible Revision 2017

⁴¹ Ahi zongin Jesu in amaute kiangah, “Bang hangin Thukham hilh siate in Khris pen Davidʼ suan hi, ci zenzen ahi uh hiam?

Luka 20:41 Referans Kwoze

Mattiu 1:1

Abraham’ suan, David’ suan, Zeisu Khazih’ khang ciamtehna lai inah:

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Jeremiah 33:21

keimah leh ka nasem pa David tawh ka thuciamna a kisia pan ding a, amah in a kumpi tokhom luah ding tapa nei loin, ka na a sem siampi Levi minamte tawh ka thuciamna zong a kisia hi pan ding hi.

Mattiu 9:27

Zeisu tua mun panin a paikhiat ciangin, mittaw nih in a nung zui uh a, “David’ Tapa aw, ko hong hehpih in,” ci-in a kiko uh hi.