Luka 20:36 - Tedim Bible

³⁶ Amaute cikmah hunin a si thei kei ding uh hi. Bang hang hiam na cih uh leh, amaute in vantungmite tawh kibangin, thawhkikna’ tate ahih manunah Pasian’ tate ahi ding uh hi.

Tedim Bible Revision 2017

³⁶ Amaute pen vantungmi tawh kibang uh a, si thei nawn lo uh hi. Sihna panin a thokik khinte ahih manin amaute pen Pasianʼ tate ahi uh hi.

Luka 20:36 Referans Kwoze

Mangmuhna 21:4

Amaute mittang uh pan khitui khempeuh a nul siang ding hi. Sihna zong a nung ciangin a om nawn kei ding hi. Tua tham loin, thuumna, kahna, natna zong a om kei ding hi. A masa nate mangthang khin zo uh hi,” ci-in nakpi-in aw tawh kiko ka za hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

Mattiu 22:30

Thawhkik ni ciangin kipina, kiteen’na om lo ding hi. Amaute in vantungmite tawh kibang ding uh hi.

Mangmuhna 20:6

A masa thawhkikna-ah a om mi in thupha ngah a, misiangtho ahi hi. Tua mite tungah nihna sihna in neukha beek uk kha lo ding hi. Amaute in Pasian leh Khazih’ siampite suakin amah tawh tua kum tul sung a mang khawm ding uh hi.

1 KORIN MASA 15:42

Tua mah bangin misite a thawhkikna thu ahi hi. Pumpi a kituh ciangin muat theihna a om hi. A thawhkik ciangin muat theih lohna a om hi.

Mangmuhna 22:9

vantungmi in, “Kei hong bia kei in! Kei in nanga kipan na u na nau na sanggam kamsangte tawh ahi zongin, hih laibu-ah a om thute a zui mite tawh ahi zongin a sila ka hi khawm hi. Pasian bia in,” hong ci hi.

1 KORIN MASA 15:26

A khakbel a gal ahi sihna mangpa in lelhna a thuak ding hi.

Marka 12:25

Bang hang hiam na cih uh leh, sihna pan a thawhkik uh ciangin kipi-in a kiteengsak kei ding uh hi. Amaute in vantungmite tawh kibangin a om ding uh hi.

1 KORIN MASA 15:49

Eite in leitungmi’ lim i neih mah bangin vantungmi’ lim i nei ding hi.

Zekhariah 3:7

Vanglianpen Topa in hih bangin ci hi: “Ka thukhamte zui a, kong sawl thute na sep leh, ka biakinn sung leh biakinn huang sung teng na uk ding a, hih ka kianga om vantungmite’ thu ka ngaih bangin nangma thu zong ka ngai ding hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

ROM (Romans) 8:16

Eite in Pasian’ tate i hi ci-in Kha Siangtho in eite lungsim tawh teci a pang khawm hi.