Luka 20:24 - Tedim Bible

²⁴ “Denarias peek khat hong lak un. Kua lim leh kua min ahi hiam?” ci-in a dot ciangin, “Kaisar kumpipa’ lim leh min hi,” a ci uh hi.

Tedim Bible Revision 2017

²⁴ “Sum peek khat hong lak dih un. Hih sum tunga om lim le min kua-aʼ ahi hiam?” a cih ciangin, “Kumpipaʼ lim le min hi,” ci-in a dawng uh hi.

Luka 20:24 Referans Kwoze

Mattiu 18:28

Ahih hangin, tua nasempa paikhia a, ama dangka zakhat a ba, ama lawmpa’ nasem khat a muh ciangin a gawl meekin, ‘Na leiba hong loh in,’ a ci hi.

Filippi 4:22

Kaisar kumpipa’ inn sungah a om misiangthote in hong hopih pha diak uh hi.

Sawltak 26:32

Agrippa in, “Tua pa in, ‘Kaisar kumpipa kiangah azu ka khan ding hi,’ ci hi kei leh, a khah tuak hi,” ci-in Festas kiangah a ci hi.

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Luka 20:22

Kote in Kaisar kumpipa kiangah siah piak tuak ahi hiam, piak tuak lo ahi hiam?” ci-in a dong uh hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Luka 2:1

Tua lai takin leitung mi khempeuh a kisim nadingin, Kaisar kumpipa Augustas in thu a pia hi.

Mattiu 20:2

Amah in, ‘Ni khatin peek khat hong pia ning, ci-in nasem dingte tawh a kiciam khit uh ciangin, leenggah lo-ah a sawl hi.

Mattiu 22:20

Zeisu in, “Hih kua min, kua lim ahi hiam?” ci-in a dot ciangin,

Luka 20:23

Zeisu in amaute khemna a theih ciangin,

Luka 20:25

Zeisu in, “Tua ahih leh Kaisar kumpipa’ sum Kaisar kumpipa na pia un; Pasian’ sum Pasian na pia un,’ a ci hi.

Marka 12:16

A hong paipih uh ciangin Zeisu in, “Hih in kua lim, kua min ahi hiam?” ci-a a dot ciangin, “Kaisar kumpipa’ lim leh min hi,” a ci uh hi.