Luka 20:20 - Tedim Bible

²⁰ Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Tedim Bible Revision 2017

²⁰ Tua ahih manin a hunhoih ngakin vil gige uh a, ukna aana a neiteʼ khut sungah Jesu a ap theih nadingun ama kampau tawh a mat nopna-un, lungsim takpi tawh thu dong a va kineihkhem dingin mi pawl khat thukan dingin a cial uh hi.

Luka 20:20 Referans Kwoze

Luka 11:54

ama kam pan mat nading a pang uh a, kam tampi a gen nadingin thu tampi a dong kawikawi uh hi.

Mattiu 27:2

khau tawh a hen khit uh ciangin Pilat mangpa kiangah a paipih uh hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Late 81:15

Topa a mudahte in amah mai-et ding a, amaute’ dantuahna, kip paisuak ding hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Luka 20:26

Amaute in mite mai-ah hih thu panin a man zo kei uh hi. Zeisu’ dawn’na thu lamdang a sa uh a, pau loin a om uh hi.

Marka 3:2

Nipi ni-in cinatna a damsak ding hiam, damsak lo ding hiam ci-in amaute in Zeisu a mawhsak nop manun a en uh hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 38:12

Kei hong that nuamte in a thang uh zakin, kei’ nat nading a zongte in siatna thu gen uh a, sunthapai-in khemna bek ngaihsun uh hi.

2 SAMUEL NIHNA 14:2

Tua ciangin Joab in Tekoa-ah mi sawlin tua panin numei pil khat la-in ama kiangah, “A thuum mi bangin kineih in la, thuumna puante silh in; nangmah in sathau nilh kei in la, misi hangin ni tampi a thuum khin numei bangin gamta in;

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Luka 20:21

Tuate in, “Sia aw, nang in thutak genin thu na hilh a, mi khentuam nei loin Pasian’ lampi a tang takin na hilh hi cih ka thei uh hi.