Luka 20:17 - Tedim Bible

¹⁷ Zeisu in amaute a et lai takin, “Tua ahih leh, ‘Inn lamte in a nilkhiat suang in anung ciangin innkiu suang a piang hi,’ ci-in a kigelh thu, bang cihnopna ahi hiam?

Tedim Bible Revision 2017

¹⁷ Tua ciangin Jesu in amaute enin, “‘Innlamte in a nilkhiat suang pen innkiu suang bulpi suak khinta hi,’ ci-in Lai Siangtho in a gen pen bang a cihnopna ahi hiam?

Luka 20:17 Referans Kwoze

Late 118:22

Inn lamte in a nilkhiat suang pen innkiu suang bulpi suak khin ta hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

Sawltak 4:11

Tua Topa in innlam note in na paih uh, a nung cianga kiukawi bul a suakkik suang ahi hi.

Mattiu 21:42

Tua ciangin Zeisu in: “‘Inn lamte’n a nilkhiat suang in, A nung ciangin innkiu suang a piang hi. Tua thu Pasian in bawl a, Eite mai-ah a lamdang hi,’ a cihna Lai Siangtho sungah note in khatvei beek sim ngeilo na hi uh hiam?

Marka 12:10

Inn lamte’n a nilkhiat suang in, A nung ciangin innkiu suang a piang hi.

Zekhariah 3:9

Joshua’ omna mai-ah, mittang sagih a nei suang khat ka koih hi; tua suang tungah lai ka gelh ding a, ni khat sungin hih gam mite’ mawhna ka paihkhiatsak ding hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 22:61

Tua lai takin Topa kihei-in Piter a en hi. Piter in, “Tuni-in aak a khuan’ ma-in nang in thumvei nong nial ding hi,” Topa in a cihna thu a phawk kik hi.

Marka 10:23

Zeisu in a kimkot en a, “Sum tam a neite adingin Pasian Gam sung lut nading a haksa mahmah hi,” ci-in a nungzuite kiangah a gen hi.

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Luka 19:41

Zeisu in a naih ciangin khuapi mu-in kap a,

Zekhariah 10:4

Amaute sung panin innkiu suang khetphim galkap mangte, gam ukte, hong khangkhia ding uh hi.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

1 PETER MASA 2:6

Bang hang hiam na cih uh leh: “A kiteel a manpha inn kiu khuam bul suangpi, Zion mual tungah ka koih hi. Tua suangpi a beel mi in, Zumna a thuak kei ding hi,” ci-in Lai Siangtho sungah a kigen hi.