Luka 20:16 - Tedim Bible

¹⁶ Amah hong pai-in tua lokhawh lawhte sugawpin, a leenggah lo midangte a cingsak ding hi,” a ci hi. Amaute in hih thu a zak uh ciangin, “Tua bang hi kei hen!” a ci uh hi.

Tedim Bible Revision 2017

¹⁶ Amah hong pai-in hih lo khawhlawhte that dinga, midangte khawhlawhsak ding hi,” a ci hi. Amaute in hih thu a zak uh ciangin, “Hih bangin piang kei tapeuh hen,” a ci uh hi.

Luka 20:16 Referans Kwoze

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Mattiu 21:41

‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Mattiu 21:34

A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Marka 12:9

Tua ahih ciangin lo neipa in bangci a bawl ding hiam? Amah hong pai-in, lo khawhlawhte sugawp a, leenggah lo midangte a cingsak hi.

Luka 20:15

Lo neipa’ tapa leenggah lo nawlah paikhiatpihin a that uh hi. Tua ahih ciangin lo neipa in lo khawhlawhte tungah bangci a bawl ding hiam?

ROM (Romans) 3:4

Tua bang hi lo ding hi! “Na thupiakna in na thutan’na kilangsak hi, Thukhenna na thuak ciangin na gualzo ding hi,” ci-in Lai Siangtho sungah a kigelh mah bangin mi khempeuhte in thuciamna a pelh mi a kicih uh hangin, Pasian in thuman thutakpa hi ta hen.

ROM (Romans) 3:6

Tua bang hi zenzen lo ding hi. Tua bang ahih leh, Pasian in leitung mite bang ci thu a khen thei ding hiam?

ROM (Romans) 3:31

Tua ahih leh, upna hangin eite in thukham paaikhia i hi hiam? Tua bang hi lo hi. Thukham i kip sak hi.

ROM (Romans) 6:2

Mawhna ah a si eite in tua mawhna sungah bangci-in i hing lai ding hiam?

ROM (Romans) 6:15

Tua bang ahih leh, bang i ci hih ding hiam? Thukham nuai-ah om loin, hehpihna nuai-ah i om ahih ciangin khialhna i hih ding hiam? Tua bang hi zenzen lo ding hi.

ROM (Romans) 7:7

Tua bang ahih leh, bang i ci gen ding hiam? Thukham in mawhna ahi i ci ding hiam? Tua bang hi zenzen lo hi. Ahi zongin thukham bek hangin mawhna lungsim ka thei hi. Bang hang hiam na cih uh leh, “Huaihamna lungsim nei kei in,” ci-in Thukham in na ci kei leh, huaihamna lungsim ke’n ka thei kei ding hi.

ROM (Romans) 7:13

Tua bang ahih leh, a hoih a pha na in keima tungah sihna a suak ahi hiam? Tua bang hi zenzen lo hi. Mawhna in mawhna taktak ahihna a kilat nadingin a pha nate hangin keima sungah sihna thu a piangsak hi. Bang hang hiam na cih uh leh, mawhna in thukham hangin mawhna taktak a pian’ theih nading ahi hi.

ROM (Romans) 9:14

Tua bang ahih leh, bang i ci gen ding hiam? Pasian in thuman lo bawlpa ahi, i ci ding hiam? Tua bang i ci zenzen kei ding hi.

ROM (Romans) 11:1

Tua bang ahih leh, Pasian in ama mipawlte a paaikhia hiam? A paaikhia kei hi, ka ci hi. Keimah in zong Abraham’ suan, Benjamin’ mipawl Israel mi ka hi hi.

ROM (Romans) 11:11

Tua bang ahih leh, amaute a puk dongun a sui kha uh hiam? Tua bang hi zenzen lo hi. Amau sungah een’na om nadingin, amaute a pukna hangin Gentailte in gupna a ngah uh hi.

1 KORIN MASA 6:15

Note pumpi un Khazih’ pumpi’ nate ahi uh hi cih thei lo na hi uh hiam? Tua ahih ciangin Khazih’ pumpi’ nate la-in numei gilo’ nate ka piangsak ding hiam? Tua bang hi lo ding hi.

Galati 2:17

Khazih sungah diktan’sakna ngah nading ka hahkat napi-in eite mahmah in zong mawhna nei mi i hih a kilat leh, Khazih in mawhna thu bawl mi ahi hiam? Tua bang hi lo hi.

Galati 3:21

Tua ahih ciangin Thukham in Pasian’ thukhamnate lang khatah om ahi hiam? Tua bang hi lo hi. Bang hang hiam na cih uh leh, nuntakna a pia thei thukham a om leh, a man takpi tua thu hangin dikna kingah zo hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.