Luka 20:1 - Tedim Bible

¹ Ni khat Zeisu in biakna innpi sungah mite thu hilh a, Lungdamna Thu a gen lai takin, siampi liante, laitheite leh upate ama kiangah a pai uh hi.

Tedim Bible Revision 2017

¹ Ni khat, Jesu in biakinn tual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate le upate hong pai khawm uh a,

Luka 20:1 Referans Kwoze

Sawltak 6:12

mi honpite, upate leh laitheite a hansuah uh a, Stefen kiangah pai-in a mat khit uh ciangin vaihawmna-ah a paipih uh hi.

Sawltak 4:1

Piter leh Johan in mihonpite kiangah thu a gen lai takun biakna innpi ukpa akipan siampite leh Saddusi mite hong pai uh a,

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Luka 8:1

Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Luka 20:2

“Hih nate kua thu tawh bawl na hi hiam? Hih thu kua in hong pia ahi hiam?” hong hilh in ci-in a dong uh hi.