Luka 2:7 - Tedim Bible

⁷ a ta cil suak a, puanin a tun khit ciangin zin tun’na innah omna ding om lo ahih ciangin, bawng ankuang sungah naungeek a sial hi.

Tedim Bible Revision 2017

⁷ Zintun nading mun dang khempeuh mi dim khinta ahih manin ganbuk ah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Luka 2:7 Referans Kwoze

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Mattiu 1:25

Ahih hangin a ta a suah matengin a luppih kei hi. Tua a tapa a min Zeisu a phuak hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Mattiu 13:55

Amah in khutsiampa’ tapa hilo ahi hiam? A nu min Mari hilo ahi hiam? Ama sanggamte in Jakob, Josef, Simon, Judah te hilo ahi uh hiam?

Late 22:6

Ahih hangin keimah in lungno khat bang ka hi lel a, mi ka hi kei hi; mite’ ko, mite’ simmawh ka hi hi.

Luka 10:34

a muh ciangin hehpihhuai sa a, va nai-in ama liammate sathau leh leenggahtui nuh a, puan tawh a gak khit ciangin ama la tungah tuangsakin, zintun’na innah paipihin a khoi hi.

Paikhiatna 4:24

Lampi-ah a giahna khatah Topa in Moses dawntuah a, thah dingin amah zong hi.

Piancilna 42:27

Amaute khat in a giahna panun a la gan-an pia dingin a van a suah leh, a van gong-ah a sum mu hi;

Piancilna 43:21

ka giahna mun uh ka tun’ uh ciangin ka vante ka hong uh a, ka sumte uh a cingin ka van sung ciat uhah om hi; tua ahih ciangin kote in tua sumte kong puakik uh a,

Luka 2:6

Amau Bethlehem khua-ah a om lai takun a suah hun tung a;

Luka 2:8

Tua gamah tuucingte in gam lakah giakin amau tuu honte zanin a cing uh hi.