Luka 2:40 - Tedim Bible

⁴⁰ Naupang khangto a, a thahatna khang a, lungpilna tawh a kidim hi. Pasian’ hehpihna thupha zong ama tungah a om hi.

Tedim Bible Revision 2017

⁴⁰ Tua naupang hong khangin hong thahat hi. Lungpilna tawh kidim a, Pasian in thupha a pia hi.

Luka 2:40 Referans Kwoze

Luka 2:52

Zeisu’ lungpilna leh pumpi khang semsem a, Pasian mai leh mite mai-ah maipha a ngah semsem hi.

Luka 1:80

Tua naungeek khang a, a lungsim siamna khangto a, Israel mite kiangah a kilah ni matengin gampa lakah a om hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

1 SAMUEL MASA 2:26

Tu-in naupang Samuel a pumpi khangin Topa leh mite’ maipha a ngah toto hi.

1 SAMUEL MASA 3:19

Samuel khang a, amah tawh Topa omin, ama kammalte khat zong lei-ah kia sak lo hi.

Luka 2:47

Ama thu a za khempeuhte in a pilna leh a dawn’ kiknate lamdang a sa uh hi.

Late 22:9

Ahih hangin nang in gilsung panin kei hong suaksakpa na hi hi; ka nu’ ang sungah muanhuai-in keimah nong kem hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

Thukhente 13:24

Tua numei in tapa khat nei-in a min Samson phuak hi; naupang khang a, Topa in amah thupha pia hi.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Sawltak 4:33

Sawltakte in Topa Zeisu’ thawhkikna thu vangliatna tawh teci a pang uh a, amaute khempeuh in hehpihna thupha tampi a ngah uh hi.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

1 SAMUEL MASA 2:21

Tua ciangin Topa in Hannah thupha pia a, tua nu gai-in tanu nih leh tapa thum a nei hi. Naupang Samuel ahih leh Topa’ omna-ah khang hi.