Luka 2:37 - Tedim Bible

³⁷ kum sawmgiat leh kum li dong meigong a, thungetna leh an tan’na tawh sun tawh zan tawh pelh loin bia-in biakna innpi lawi loin a om hi.

Tedim Bible Revision 2017

³⁷ kum sawm giat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

Luka 2:37 Referans Kwoze

1 TIMOTI MASA 5:5

Meigongnu taktak hi a, khat guak a om lai numei in Pasian muang a, sun tawh zan tawh thungenin a om tawntung hi.

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Late 23:6

Hoihna leh hehpihna in ka khan’ tawntungin hong zui taktak ding a, Topa’ inn sungah ka om tawntung ding hi.

Late 27:4

Topa’ tungah na khat ka ngen khin a, tua ngen-a ka zon’ ding pen: Topa’ inn sungah ka khan’ tawntungin om nading, Topa’ hoihna et ding leh ama biakinn sungah thu dot dingte ahi hi.

Sawltak 13:3

Tua ciangin an tangin thu a nget khit uh ciangin, a tunguh ah a khut uh a ngak khit uh ciangin a pai sak uh hi.

Sawltak 26:7

Judah mipawl sawm-le-nihte in sun leh zanin hahkatin Pasian bia-in, thu kiciamna bangin ngah ding a lamen uh hi. Kumpipa aw, hih lametna hangin Judah mite in hong mawhsak uh hi.

Late 22:2

Ka Pasian aw, sun-in ka kiko a, ahih hangin nong dawng kei hi; zan-in ka kiko a, ahih hangin lungsim nopna ka mu kei hi.

Mangmuhna 7:15

Tua ahih ciangin amaute in Pasian’ tokhom mai-ah omin ama biakinnpi sungah sun tawh zan tawh ama’ na a sem uh hi. Tokhom tungah tu-in a om mi in amau tungah a buk zal-in a lam ding hi.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

Luka 5:33

Amaute in, “Johan’ nungzuite in an nek tang zeelin, thu a ngen uh hi. Farisaite’ nungzuite in zong tua bangin ahih uh hi. Ahih hangin na nungzuite in an ne-in tui a dawn uh hi,” a ci uh hi.

Late 84:10

Bang hang hiam cih leh mun dangah ni tulkhat om sangin nangma huang sungah ni khat om hoih zaw hi. Gitlohna inn sungah ka teen’ sangin ka Pasian’ inn kongcingpa ka hi nuamzaw hi.

Late 84:4

Nangma inn sungah teeng a, nangmah phatna a sa ngitnget mite in thupha ngah mi ahi hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

Paikhiatna 38:8

Amah in kikhopna buk kongkhakah na a sem numeite’ limlangte panin sumngo tawh kisilna kuang leh a ngakna bawl hi.

Late 92:13

Topa’ inn sungah amaute kisuan a, i Pasian’ huang sungah amaute palh uh hi.