Luka 2:34 - Tedim Bible

³⁴ Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Tedim Bible Revision 2017

³⁴ Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 2:34 Referans Kwoze

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Mattiu 21:44

Hih suang tungah a kiate in a kitan ding hi. A tungah hih suang kia a, a deen’ khak peuhmahte kizangawp ding hi,” a ci hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.

Hebru 7:7

Milian in mi neute thupha a piakna thu nial nading a om kei hi.

ROM (Romans) 9:32

Bang hangin tung zo lo ahi uh hiam na cih uh leh, thu-upna tawh a delh kei uh hi, thukham gamtatna tawh a delh uh hi. Lai Siangtho sungah a kigelh mah bangin, amaute in sui-a kipuk na’ng suang a sui kha uh hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Sawltak 17:6

A muh loh uh ciangin Jason leh ute naute kimkhat khua ukte kiangah a paipih uh a, “Leitung gam khempeuh a kilumletsak hih mite in hih san dongin hong tung zo uh a, Jason in ama innah a tung sak hi.

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Sawltak 4:26

‘Topa leh ama Khazih do dingin Leitung kumpite ding uh a, Gam-ukte in a kikhawm uh hi,’ci-in Kha Siangtho tawh nang in ka pa uh David’ kamin na cih mah bangin,

Johan 5:18

Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Johan 3:20

A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Mattiu 27:63

“Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Mattiu 12:46

Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Paikhiatna 39:43

Moses in nasep khempeuh mu a, en in, amaute in sem khin hi; Topa’ thupiaksa bangin amaute in sem khin hi. Moses in amaute thupha pia hi.

Piancilna 47:7

Tua ciangin Josef in a pa Jakob tumpihin Faro’ mai-ah koih a, Jakob in Faro thupha pia hi.

Piancilna 14:19

Amah in Abram thupha pia a, “Vantung leh leitung a bawl, Sang Pen Pasian in Abram thupha pia hen;

Hebru 7:1

Kumpite a thahna panin a ciahkik Abraham dawn a, thupha a piak khit ciangin,

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

1 SAMUEL MASA 2:20

Tua ciangin Eli in Elkanah leh a zi thupha pia-in, “Amah in Topa tungah a piak taang dingin Topa in hih numei tawh nang ta hong neisak hi,” a ci hi; tua ciangin a inn uhah amaute ciah uh hi.

Luka 2:35

Ahi hi. Namsau in nangma lungsim hong sun ding hi,” a ci hi.