Luka 2:2 - Tedim Bible

² Kurinias in Siria gam menzi ahih lai takin hih kisimna a masa pen ahi hi.

Tedim Bible Revision 2017

² Kuirinias in Syria gam a uk sawn hun laitakin hih bangin mi phazah kisimna thu hong piang hi.

Luka 2:2 Referans Kwoze

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Sawltak 26:30

Tua ciangin Kumpipa leh Bernike, mangpipa leh amau tawh a tukhawmte a ding uh a,

Sawltak 23:26

“Klaudis Lisias in Mangpipa Feliks kiangah lungdamna lai kong khak hi.

Sawltak 18:12

Gallio in Akhaia gam mangpa za a ngah ciangin Judah mite in lungsim kikhatin Paul a man uh a, thukhenna tokhom mai-ah a paipih khit uh ciangin,

Sawltak 13:7

Tua pa in a pil mahmah Sargias Pawlas mangpa kiangah a om hi. Tua mangpa in Pasian’ thu za nuamin, Barnabas leh Saul a sam hi.

Sawltak 5:37

Tuapa khit ciangin, mi a kisim lai takin Galille mi Judas tho a, ama nungzui dingin mi kimkhat a zol hi. Amah zong si a, a thu zui mite a kikhenthang uh hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Luka 2:1

Tua lai takin leitung mi khempeuh a kisim nadingin, Kaisar kumpipa Augustas in thu a pia hi.

Luka 2:3

Mi khempeuhte in kisim dingin amau khua ciatah a pai uh hi.