Luka 2:14 - Tedim Bible

¹⁴ “Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Tedim Bible Revision 2017

¹⁴ “Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Luka 2:14 Referans Kwoze

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Kolose 1:20

singlamteh tungah a buak sisan hangin gallemna piangsakin, leitung nate ahi zongin, vantung nate ahi zongin, na khempeuh in Tapa hangah Pasian tawh a kilem theih nading ahi zongin a deih hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Mangmuhna 5:13

Vantung, leitung, leinuai leh tui tungah a om a bawlsa ganhing khempeuhte akipan, tua vantung, leitung, lei nuai leh tui tungah a om na khempeuh in zong: “Tokhom tungah a tu mi leh Tuuno tungah, phatna, pahtawina, minthan’na leh vangliatnate a tawntung pan a tawntung dongin om ta hen,” ci-in a phat uh hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Isaiah 49:13

Vantung aw, lungdamin la sa un, leitung aw, lungdamin diang in; mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ding hi.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Isaiah 44:23

Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Efesa 2:7

Bang hang hiam na cih uh leh, Khazih Zeisu hangah eite hong hehpih a, a kicing mahmah ama hehpihna thupha a nung ciangin a kilatsak nading ahi hi.

Efesa 2:4

Ahih hangin hehpihna tawh kidim Pasian in eite hong it phat maninah,

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Luka 2:13

Tua khit ciangin vantungmi tawh vantung galkap tampite in thakhatin hong kikhawm uh a,

Luka 2:15

Vantungmite in vantungah a ciah khit uh ciangin tuucingte in, “Eite Bethlehem khua-ah pai-in, Pasian hong lah hih a piangsa thu va en ni,” ci-in khat leh khat a kihopih uh hi.