Luka 2:13 - Tedim Bible

¹³ Tua khit ciangin vantungmi tawh vantung galkap tampite in thakhatin hong kikhawm uh a,

Tedim Bible Revision 2017

¹³ Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Luka 2:13 Referans Kwoze

Mangmuhna 5:11

Tua lai takin tokhom-a kipan ganhingte leh upate kimkotah vantungmi tampi ka mu a, amau aw zong ka za hi. Amau a kisim ciangin tultul, thenthen ahi uh hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Late 148:2

Ama vantungmi khempeuh aw, amah phat un, ama mihonpite khempeuh aw, amah phat un!

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

JOB (Job) 38:7

Tua ni-in zingsang aksite in la sakhawm uh a, Pasian’ tapate lungdamin kiko uh hi.

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Piancilna 28:12

Amah in mang man a, leitungah kahlei khat kiphutin, kahlei dawn in van ban hi; en in, Pasian’ vantungmite tua kahlei tungah kahto-in kumsuk uh hi.

Ezekiel 3:12

Tua ciangin Pasian’ Kha in hong paipih to a, ziin’ liing zahin a gin’ ngaih awging khat ka nungah ka za a, “Vantungah a om Topa, ama minthan’na hangin phat un,” ci-in a kiko hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Luka 2:12

Note in, ‘Bang limin thei ding ka hi uh hiam?’ na cih uh leh naungeek puanin kitun a, bawng an nekna kuang sungah kisialin a om na mu ding uh hi,” a ci hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’