Luka 2:11 - Tedim Bible

¹¹ Tuni-in, David’ khua-ah Topa Khazih ahi hong Gumpa in note adingin a suak zo hi.

Tedim Bible Revision 2017

¹¹ Tu ni-in David khuapi sungah, note a hong hon khia ding Khris Topa a suak hi.

Luka 2:11 Referans Kwoze

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Mattiu 1:21

Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Johan 4:42

Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

Luka 2:4

Josef in zong David’ suan ahih ciangin, a kidongsa a lawmnu Mari tawh kisim dingin, Galile gam Nazareth khua panin Judah gam Bethlehem kici David’ khua-ah a pai uh hi.

Mattiu 1:16

Jakob’ tapa Josef, Mari’ pasal ahi hi. Tua Mari in Khazih kici Zeisu’ nu ahi hi.

1 KORIN MASA 15:47

A masa bel mi in lei pan hong piang ahih ciangin leitung mi ahi hi. A nihna mi in vantung pan a hong piang hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Johan 6:69

Nang in nuntak tawntungna thu na nei hi. Nangmah in Pasian’ misiangtho na hi ci-in kote in umin ka thei uh hi,” a ci hi.

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Mattiu 16:20

amah Khazih ahi, ci-in kuamah kiangah gen lo dingin a nungzuite a kham hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Kolose 2:6

Tua ahih ciangin Khazih Zeisu, Topa-a na san’ khit uh ciangin tua Topa sungah gamta-in, zung kha-in, kilamin omin, kihilhna na ngah khit uh mah bangin upna-ah kipin, hehpihna phatna tawh upna khangin kicingin om un.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Johan 11:27

amah in, “Ka um hi, Topa aw, Leitungah hong pai ding Pasian’ Tapa Khazih na hih ka um hi,” a ci hi.

Johan 7:41

Kimkhat in, “Hih pa in Khazih hi,” a ci uh hi. Kimkhat in, “Khazih in Galile gam pan hong suak thei ding hiam?

Luka 2:26

“Topa Khazih na muh matengin na si kei ding hi,” ci-in Kha Siangtho in a hilh zo hi.

Luka 1:69

Bang hang hiam i cih leh, tanglai ama kamsang siangthote’ kam tawh a gen kholh mah bangin,

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Sawltak 13:23

Johan in amah a pai ma-in Israel mi khempeuh kiangah kisikkik nading baptaizna thu a hilhkholh lai takin tua David’ suante lakah Pasian in a ciamsa mah bangin Israelte ading Gumpa Zeisu a piangsak hi.