Luka 2:10 - Tedim Bible

¹⁰ Ahih hangin vantungmi in, “Lau kei un. Bang hang hiam na cih uh leh, mi khempeuh ading nakpi nuamna thu note kong zasak ding hi.

Tedim Bible Revision 2017

¹⁰ Ahi zongin vantungmi in, “Lau kei un. Mi khempeuh a lungdamsak ding thu thak hoih khat note ading ka hong puak hi.

Luka 2:10 Referans Kwoze

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Mattiu 14:27

Zeisu in, “Na lungdam ta un; keimah ka hi hi, na lau kei un,” a cih pah leh,

Luka 1:30

Vantungmi in, “Mari aw, lau kei in. Nang in Pasian maipha na ngah zo hi.

Isaiah 41:27

Topa ahi keimah in Zion tungah hih thu ka pulak masa a, Jerusalem tungah lungdamna thutak ka gen hi.

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Luka 8:1

Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.

Mattiu 28:5

Vantungmi in, tua numeite kiangah, “Lau kei un; singlamteh tunga kithat, Zeisu na zon’ uh ke’n ka thei hi.

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.